Objects aviatics sut e sur il Pinut

(anr/abc) Sonda vargada ha l’jamna da balluns entschiet a Flem. Igl ei la 45avla sentupada internaziunala da balluns d’aria caulda. Uonn separticipeschan 16 squadras a quell’occurrenza tradiziunala d’atun. Mintgamai la damaun allas 07.00 e la sera allas 16.00 san ins observar sur il tschiel da Flem e la regiun Flem-Laax-Falera ils objects fascinonts a sesalzar. Tenor aura ed aria fan els excursiuns en Lumnezia ni nua ch’il vent sufla. Certs gis dat ei ina tura a distanza liunga. Da bun’aura sa quella menar sur las Alps e cunfins grischuns. Pils pilots dils balluns ei Flem ina sfida speciala.

Ei drova inschign da «navigar» igl object monstrus sur casas, preits crap, uauls e cavorgias.