Fust vegn – Vinzens va

da Martin Cabalzar

Cun il cumenzament d’october ha Alois Vinzens (60) surdà il timun operativ da la Banca Chantunala Grischuna a ses successur Daniel Fust (53). Entant che La Quotidiana ha preschentà il venderdi passà il nov CEO Daniel Fust cun ses novs accents strategics fa La Quotidiana oz bilantscha cun il CEO partent Alois Vinzens. El ha timunà la BCG dapi 2003 sco schef da la direcziun. En quests 17 onns è quel impurtant institut bancar dal Grischun sa midà da radent ed ha oz sco antruras ina posiziun dominanta per l’economia da noss chantun. La Banca Chantunala Grischuna è ina da las meglras bancas chantunalas en Svizra e giauda in’excellenta reputaziun; quai è cunzunt er il merit da las abilitads e dal fitgaivel operar dal schef operativ partent.

Cun el avain nus discurrì davart sia briglianta carriera dal revisur al directur, il svilup da la banca, sias strategias, sias fermezzas e flaivlezzas, ses success, sias sfidas e sconfitas. S’entelli che La Quotidiana ha era vulì savair dal CEO partent tge ch’el vegn a far suenter sia pensiun anticipada. Nus faschain quai en in discurs pli lung cun il CEO partent, tant pli che Alois Vinzens è in fervent Rumantsch ed in attaschà Sursilvan. Per cumià dad Alois Vinzens sco schef operativ da la BCG ha l’anteriur vicepresident dal cu- ssegl administrativ Dumeni Columberg scrit in’undrientscha persunala.

Paginas 2 e 3