Avertura atelier a Glion

(anr/abc) Sonda proxima, ils 9 da november arva l’artista Sandra Palaia-Mohr a Glion siu agen atelier. Ella Casa Grischa sper la plazza cumin 1, gest sur la stizun da Mobilias Fry, ha ella endrizzau igl atelier «Stell’Arte». Las localitads ein accessiblas senza scalas, pia era per glieud cun impediments. Egl atelier dat ella cuors d’artisanadi ed art en diversas tecnicas, cuors da schmincar per e cun affons. Palaia porscha vinavon mintgamai la gievgia ed il vendergis in atelier aviert. La pedagoga curativa e sociala diplomada porscha era malegiar assistiu per glieud cun impediments corporals e mentals.

All’avertura digl atelier Stell’Arte a Glion ei in e scadin envidaus sonda, ils 9 da november dallas 15.00 tochen allas 19.00.