Affons che rumpan tabus

(anr/sr) Dils 24 d’october tochen ils 22 da november neschan ils affons dil zodiac scorpiun. Ils affons che neschan ussa s’audan tier la generaziun nova e muossan als carstgauns da viver, rir, carezar ed esser ventireivels. Ils scorpiuns ein fetg directs e midan aschia vegl en niev. Cun lur moda dad esser sforzan ei atras novas entschattas sin quest mund ed els cors dils carstgauns. Scorpiuns giavischan geniturs che san schar il vargau vargau e che miran cun els ed auters plein intenziun anavon. Quei e bia auter san ins leger el cudisch «Die Kinder des Herzens», in cudisch dall’astrologa Regina Casanova da Cuera e dalla fotografa Steffi Blochwitz da Flem. L’Agentura da novitads rumantscha ha discurriu cun l’astrologa davart ils affons naschi el zodiac scorpiun.

pagina 6