Il larisch si Rischuna

Jeu stun mal ch’jeu sundel carschius aschi uiersch. All’ entschatta, cura ch’jeu haiel laghegiau ord la tiara, mava ei dètg stupent ed jeu hai priu per mei la pli sempla via che va tgunsch e maneivel. Denton sundel jeu lu era vegnius pli vegls e lu haiel jeu viu che cheu sperasvi traversan adina puspei la stad las vaccas dal’Alp Rischuna. Senza lubientscha hai jeu midau meini da mei anora e priu la mira encunter tschiel. Aschia sesentel jeu veramein, detg cun in plaid, cuntents e ventireivels, ed ussa sundel jeu tut uiarschs e tuttina vegnel jeu admiraus cun grond plascher. Aschia ha il larisch risdau a mi.

Gion Antoni Sgier, Tersnaus