Project hotel «Sanaspans» a Lai

(anr/gns) Igl cumegn da Zollikon ed igl cumegn da Vaz von la veia communabla per realisar a Lai en project da hotel e resort. Dacurt èn igls dus mastrals sa drizzos allas medias. An possess digl taragn a «Sanaspans» è gio siva digl 1963 igl cumegn da Zollikon. Sen chel flatg sur la vischnanca da Lai ò igl cumegn turitges er ena tgesa per camps. Chella vess igl cumegn da Zollikon da sanar e chegl ins less betg far. Cun saveir tgi igl cumegn da Vaz tschertga taragn noua tg’ins savess biagier en hotel cun resort è igl cumegn da Zollikon sa drizzo agl pi grond cumegn da Surmeir. Elaboro era nia en project, en project tgi la populaziun da Vaz ò malancletg, uscheia tg’ò do gronda opposiziun e critica cunter chel. Ossa ins è ia sur igls codeschs, adatto la planisaziun agls giaveischs dall’opposiziun, cun la speranza tgi igl 2023 davainta chel hotel e resort realitad. Igl investour da chel tschertga igl cumegn da Zollikon, scu proprietari digl taragn a «Sanaspans».

pagina 15