Posta reducescha transports da daners

(rtr) La Posta Svizra reducescha ils transports da daners en la Svizra franzosa suenter ch’i ha dà plirs assagls ils ultims mais sin tals transports. Sco quai ch’il post da medias da La Posta Svizra communitgescha haja l’assicuranza sistì per immediat la garanzia per ils transports da daners a Daillens en il chantun Vad. Uschia na possia La Posta betg pli transportar daners e rauba preziusa là, en il center da logistica. La decisiun fatga chaschuna viadis da transport bler pli lungs ed igl è pli grev da proveder la populaziun en Svizra franzosa cun daners bluts.