Statistica da mortoris: 
Co

(rtr) L’onn 2017 èn mortas en Svizra 66

971 persunas, quai èn 3% dapli che l’onn avant. Passa la mesadad da quellas persunas èn mortas causa malsognas dal cor e da la circulaziun ubain da cancer. Ils pli blers mortoris en Svizra èn d’attribuir – cun 31,4% – a malessers dal cor u da la circulaziun. Sco segund motiv da murir 
en Svizra vala il cancer

cun 25,8%.

Demenza: 9,8 pertschient

Tenor communicaziun da l’Uffizi federal da statistica èn autras raschuns da mort main frequentas, p.

ex. demenza cun 9,8% e la malsogna da la via respiratorica cun 6,9%. Lura vegnan anc numnads motivs sco accidents, suicidis ed effects esters cun 5,6%. Da las 66 971 persunas mortas l’onn 2017 eran 61% pli veglias che 80 onns. 26% da las ulteriuras persunas eran tranter 65 e 79 onns. Be 1,3% dals mortoris eran giuvens creschids tranter 20 e 39 onns e 0,3% uffants u giuvenils tranter in e 19 onns. Ils pli blers uffants pitschens moran da malsognas da naschientscha.