Marchà cun prodots 
indigens a Scuol

(anr/bcs) D’incuort ha gnü lö il bazar da Nadal illa passarella dal Bogn Engiadina a Scuol (BES). Organisà vain quel da las gimnastas da Scuol cun lur presidenta e persuna da contact Ursula Grimbichler. Illa passarella d’eiran preschaints 17 exposituors cun lur stands e cun prodots fich variats. I’s chattaiva al marchà eir prodots chi d’eiran pensats sco regalins per las Festas da Nadal. Sco cha Grimbichler ha dit organiseschan las gimnastas quatter jadas l’on ün marchà illa passarella dal BES. I’ls ultims ons es creschü il nomer da marchats illa regiun considerabelmaing e tuot quels sun bain visitats.

pagina 11