Sittau 1116 tscharvas

(anr/hh) En Surselva ei vegniu sittau quest atun totalmein 1116 tscharvas. Quei ei il secund ault resultat insumma. Dapli tscharvas eis ei vegniu sittau sulettamein avon dus onns. Lu eran 1202 curdadas. Alla catsch’aulta e la catscha d’atun ensemen ei vegnius sittau en tut 531 tscharvas el district I e 585 el district II. Per dabia buc aschi buna sco auters onns ei la catscha da cavreuls stada. Indezis che la populaziun seigi sereducida ha ei gia dau tier las dumbraziuns. Probabel ei quei la consequenza dils unviarns dils davos onns, mo lu era pli e pli dalla preschientscha dil luf e dil luf-tscherver che fan catscha era sin cavreuls. Da quels dus animals ha ei dau dabia indezis igl onn passau. Ton el district I sco el district II ein ils dus animals vegni observai stedi. Il district dil Glogn ha constatau la preschientscha da treis famiglias da lufs, numnadamein quellas da Trin, Beverin e Sursaissa.

Pagina 5