Profito ò 
l’antiera regiun

(fmr/gns) Profito igl pi fitg digls Campiunadis mundials da biatlon digls juniors e giuvenils a Lantsch ed a Lai on bagn igls dus lis scu organisatours, pero ò l’occurrenza da sport internaziunala er gia sen l’antiera regiun en effect positiv. Cun esser igls hotels dalla regiun da vacanzas Lai occupos cun blers oters giasts on igls organisatours gia da cattar ordvart la regiun hotels ed appartamaints per metter sot tetg atlets, atletas, trenaders ed assistents. Catto chels on igls organisatours alloura da Beiva anfignen Barvogn e da Lai anfignen Glion. La strategia da sa posiziunar pi ferm sen ski alpin, ski nordic e bike, chella porta veaple fretgs, ò managea igl directour da Lai Turissem.

El è er sa musso cuntaint tgi igl event da biatlon dall’emda passada porta alla regiun ple tgi 10 000 pernottaziuns. Oz dovra ena regiun da vacanzas scu Lai occurrenzas da tot gener per augmentar igl domber da pernottaziuns.

Pagina 6