«Surterran»

En La Quotidiana dals 4 da favrer è cumparida ina contribuziun dad Arno Casanova-Spescha da Siat, intitulada cun «Agricultura, societad e consum». En ina passascha scriva l’autur: «Centers da cumpra, stivas per autos e hallas d’industria cun parcadis surterrans». Per sbagl avain nus curregì il davos pled en «sutterrans». Quai na correspunda però betg a l’idea da l’autur che vuleva render attent al sfarlattim da terren da bajegiar «sur terra». Noss correctur scriva tar quai: «Il plaid «surterran» exista, tenor il Dicziunari Romontsch Cumparativ, buc el sursilvan. Il dretg plaid fuss «surterrester». Perquei sun jeu selubius da midar quei.»

La FMR sa perstgisa per quella correctura da «sur- en sutterran», bain savend che la lingua rumantscha è ritga – sur e sut terra e perfin surterrester!

David Truttmann,

schefredactur FMR