Mustér: Sera d’Advent cun concert

Per dar empau veta el vitg duront il temps d’Advent organisescha l’Uniun da commerci e professiun Mustér ina vendita dalla sera. A quella separticipescha in tschuppel fatschentas. Ella ha liug venderdis, ils 10 da december 2021. Las fatschentas ein aviartas entochen las 21.00. Allas 19.00 vegn purschiu in concert cun Jenja avon la stizun d’Uras Giger amiez il vitg da Mustér. Pervia dalla pandemia cul coronavirus ei la vendita da sera curdada igl onn vargau. La davosa ga haveva ella giu liug avon dus onns. Sin giavisch da pliras fatschentas vegn quella purschida puspei offerida uonn.