Cuorsa liunga: Cla-Ursin Nufer al Cup mundial a Tavau

Swiss Ski ha selecziunau las curridras ed ils curriders per las concurrenzas da cuorsa liunga dil Cup mundial da questa fin d’jamna a Tavau. Per l’emprema ga dalla partida el Cup mundial ei Cla-Ursin Nufer (20) dil Club da skis Sedrun-Tujetsch. El ei commember dil cader C da Swiss Ski ed ei vegnius selecziunaus per las cuorsas da distanza. Nufer ei staus igl onn vargau ed avon dus onns al campiunadi mundial dils juniors e 2019 ha el era saviu separticipar al “European Youth Olympic Festival” a Sarajevo. Leu ha el contonschiu ina medaglia da bronz ella cuorsa da 7,5 km dil stil liber e medemamein bronz culla staffetta svizra.