Lectura rumantscha 21-01-2025

Bun di a tuttas e tuts – ils trais temas dad oz:

«Il fieu manca»

«Jau na vi betg» – Quest citat sa referescha a la disditga da la candidatura da Martin Candinas sco cusseglier federal (e betg forsa a la frasa avant l’altar). Il fieu per in tal uffizi manchia, declera el en l’intervista cun RTR. Donn, il carussel tgi che daventa successur u successura da Viola Amherd rotescha damai vinavant senza participaziun grischuna. U candidescha Stefan Engler tuttina?

In camiun naiv – 600 francs

Naiv made in Schnaus – Montalta na venda betg be biera e coca cola, na, sia firma producescha era naiv. Quai è ina fatschenta segira – grazia a la midada dal clima. E cun producir naiv vegn il clima anc pli chaud, uschia ch’i dovra anc dapli chanuns. In circul vizius, che funcziuna dentant or da l’optica economica detg bain. En mintga cas custa ina chargia naiv dal camiun var 600 francs. Sch’insatgi avess gust dad ina giada in Nadal alv…

Il canun mellen da Schnaus bischa e bischa sin reserva e per empustaziuns.

Sprella vi e nà

Passa 15 onns cuzza la charplina pertutgant la construcziun dad ina chamona dal Club alpin svizzer en la bella Val Mora. Gievgia passada lura il «levgiament» (almain tenor ils cumbattants cunter il project). Il Tribunal federal scumonda definitivamain la chamona planisada. Ils redacturs David Truttmann e Reto Stifel debatteschan entant vinavant, sche quella decisiun è ussa buna u miserabla?

Buna lectura!