Elecziuns da cumbat

A Flem dat ei ina midada ella suprastonza communala: Ils 24 d’october 2024 ha quella communicau la demissiun da Laurène Gartmann, sils 31 da december 2025 banduna quella l’executiva communala. Il motiv ei che la giuvna mumma vul dar peisa alla famiglia e desista perquei dil post politic. Sin fundament dalla vacanza dat ei cunquei gia ils 30 da november 2025 ina elecziun substitutiva per la legislativa 2025-2028. Sco quei ch’il scarvon communal Martin Kuratli ha confirmau sin damonda dalla FMR, candideschan daferton duas dunnas pil post. Ina senumna Alessia Wehrli, ella ei interprendidra independenta e candidetscha per la PLD. L’autra candidata ei Ines Schnyder, a Flem eis ella enconuschenta sco fundatura e menadra dall’ustria DeliCious».