Lectura Rumantscha

L’entschatta da la Lectura Rumantscha fan las decisiuns davart il provediment da sanadad en l’Engiadin’Ota. Curt e bun: Na, na, na. Lura spetga anc la scola sursilvana sin tai e parcadis che ti vesas suenter la lectura en ina tut autra glisch.

NA ed anc ina giada NA

La primavaira ha la populaziun da l’Engiadin’Ota ditg NA a l’integraziun da l’ospital da Samedan in quel chantunal a Cuira. E mardi saira hai er anc dà in NA a la finanziaziun transitorica per ils proxims dus onns. Uschia è la cunvegna da prestaziun per il provediment da sanadad en l’Engiadin’Ota giu da maisa. Il pli cler votum hai da a la radunanza communala a Zuoz: 130 vuschs NA cunter 33 GEA ed ina abstenziun. Romeo Cusini, president communal da Zuoz, declera quella decisiun uschia: La populaziun vul ina nova construcziun e betg ina reparatura.

Plaun e pauc, ma tuttina positiv

Bunamain 200 scolastas e scolasts sursilvans èn sa radunads la mesemna a Laax. Er Adrian Cathomas, quasi il pli aut scolast da la Surselva, è stà da la partida. Ad el e ses collegas fan la mancanza da meds d’instrucziun rumantschs in pau fastidi. I vegnia sviluppà memia plaun e memia pauc. Sia devisa è dentant tuttina da vesair il magiel mez plain e betg mez vit.

Parcadis n’èn betg simplamain parcadis

Charrar en in vitg e parcar l’auto. – Fin ussa hai jau be ponderà da chattar ina plazza per mes vehichel. Suenter la lectura davart la nova ordinaziun da parcar da la vischnanca Ilanz/Glion ves jau parcadis dentant betg mo sco in pèr sdrimas cun ina tabla blaua. Ina lunga procedura e discussiuns intensivas stattan davos inqual parcadi.

Ti dis speranza GEA a la Lectura Rumantscha. Bun divertiment!