Avertura da la patinera artifiziala

Igl 15 da november e’gl adaquella la patinera artifiziala vean avierta a Seglias. Quegl e egn grànd evenimaint, digl qual igls amaturs digl glatsch ân bissigieu da plir dezenis annà. Capevel c’igls cumembers da l’Uniùn glatschera Viamala salegran spezialmeing da que evenimaint ad en loschs d’aver cuntanschieu lur fegnamira. Ella anvida la populaziùn a quell’ocurenza festiva c’antscheva a las 13.30 sen la patinera artifiziala a Seglias ca satgata sper la tgea da scola.

Suainter la zeremoneia d’avertura dat igl en gioi pigl plascher cun blears prominents ad anteriurs giujeaders da hockey sen glatsch. Alura sapreschainta l’amprema squadra digl EHC Seglias. Suainter e la patinera libra ad egna a mintgegn. La feasta d’avertura schegna cun egna disco segl glatsch.