Fiera da Nadal cun 35 stans

Dapi biars onns vegn la fiera da Nadal da Sursassiala sisum la Surselva organisada alternontamein en ina dallas treis vischnauncas. Aschia sa buca mo vegnir impediu collisiuns da termin, mobein era procurau per ina fiera communabla da s’entupada da vischinas e vischins da Tujetsch, Medel e Mustér. Uonn ha la fiera liug dumengia, ils 23 da november 2025 a Sedrun. Ella vegn arranschada dallas 10.30 entochen las 16.00 sil plaz avon la halla plurivalenta a Dulezi. Sco l’Uniun da dunnas Tujetsch ch’organisescha la fiera communichescha, han las visitadras ed ils visitaders la letga d’eleger products e survetschs sin 35 stans. Supplementarmein sper la fiera vegn purschiu ina stiva da caffè e denter las 12.00 e las 15.00 la pusseivladad pils affons da laschar smincar.