Giuvenil as ferischa causa accidaint cun prunader a man

A Sur En sün territori da Sent s’ha in dumengia avantmezdi feri ün giuvenil da 17 ons causa ün accidaint cun ün prunader a man. Sco cha la Pulizia chantunala scriva in üna comunicaziun, vulaiva il giuvenil s-chargiar cuort davo las 9.15 ün auto da furniziun. Per quist intent vulaiva el far adöver d’ün prunader a man. Causa cha quist veicul ha toc il palantschin sura, è’l cupichà ed ha feri il giuvenil. Causa sias feridas mez greivas ha el in seguit stuvü gnir svolà cun la Rega in l’Ospidal chantunal a Cuoira.