Lectura Rumantscha

Oz fa la Lectura Rumantscha in viadi insolit da la metropola da Berlin en il vitg patgific da Zuoz. E betg emblidar las patinas, nus giain numnadamain era sin in glatsch artifizial resch nov.

Da l’ost en il vest e lura en la muntogna

La vita da Franziska Barta è fitg aventurusa. Cun 15 onns è ella fugida cun sia mamma da Berlin Ost en il vest da la metropola. Là ha ella tuttina pudì tscherner da plirs gusts da glatsch, betg be in sco en la DDR. Ed ella ha pudì studegiar medischina. Dapi l’onn 2013 ha Franziska Barta ina pratica a Zuoz. E sper la lavur per il solit la notg ha ella scrit sia autobiografia da quel viadi insolit.

Seglias va sin glatsch artifizial

Gia dapi 21 onns ha l’Uniun glatsch Viamala siemià d’ina patinera artifiziala a Seglias en Tumleastga. Suenter in’emprima tentativa l’onn 2005, che la populaziun ha refusà, ha l’uniun tuttina anc pudì realisar cun bler effort ses glatsch artifizial. Sonda passada han responsabels e surtut ils uffants beneventà il nov glatsch cun grond plaschair.

La Golden Card sveglia desideris

Ina carta cun purschidas multifaras ed in bun pretsch, quai è la Golden Card da las vischnancas Mustér, Tujetsch, Andermatt, Hospental e Realp. Cler ch’ina tala offerta sveglia interess era sur ils cunfins communals ora. In comité da petiziunaris rimna perquai suttascripziuns per introducir la Golden Card er en la vischnanca da Sumvitg. Il president communal da Tujetsch na fa dentant betg gronda speranza, almain per il mument.

Bun divertiment cun la Lectura Rumantscha!