Lectura Rumantscha

Oz furma in quartet masculin la Lectura Rumantscha. Fundaziuns, uniuns e sport en ils chavazzins dals quatter umens.

En servetsch per la filantropia

Il Zuozingher Sandro Giuliani ha ina lavur fitg particulara. El sesa èn dus cussegls da fundaziuns caritativas che gestiuneschan milliuns da francs. La Roger Federer Foundation e la Jacobs Foundation promovan uffants. Sandro Giuliani dat in’invista en sia lavur e declera daco che la differenza tranter ritg e pauper n’al dat betg uschè gronds fastidis sco quella tranter l’avair schanzas e betg avair schanzas.

Ils uniunists engiadinais

Per Urs Niederegger da La Punt e Matthias Merz da Scuol è ina vita senza uniuns strusch pussaivla. Tuts dus èn commembers da pliras uniuns, per exempel d’in club da cigaras e whisky, d’in da jass u d’ina gruppa da corns da chatscha. La vita d’uniun saja in pau sco la vita da famiglia, di Urs Niederegger. E per Matthias Merz è quella vita da societads in fenomen engiadinais.

Barattà in pau il velo cun il computer

Ils 21 da settember ha Nino Schurter absolvì sia davosa cursa sco profi a Lai. Igl è stà in di fitg emoziunal. Dus mais pli tard ha il Lumnezian prendì peda per in’intervista. A Cuira ha el raquintà co che ses mintgadi è sa midà suenter la davosa cursa. El lavuria bler al computer per organisar e planisar sias diversas incumbensas. Il velo n’ha Nino Schurter dentant betg anc mess ord maun. El trenescha gia per las proximas cursas, simplamain betg pli sco profi.

A revair e bun divertiment cun la Lectura Rumantscha!