Lectura Rumantscha

Ti es oz en gir cun la Lectura Rumantscha en ils guauds da la Val d’Alvra e sper il Lag Salischinas tranter Rabius e Surrein. Il davos vai en in labor da tecnica dentala a Glion.

La Val d’Alvra in eldorado per baus da laina

L’inschignera forestala Barbara Huber da Tusaun è ida a la tschertga da baus da laina en Val d’Alvra. Ella ha chattà 347 spezias da quels baus, intginas en privel da svanir e tschertas schizunt anc mai documentadas en Svizra. Ed ella ha era scuvrì nua ch’ils baus laina sa sentan il bain, numnadamain en il guaud da trembels da Solas Davains ad Alvagni. In eldorado per la proxima spassegiada sin tschertga da quels pitschens animals.

Tiny houses per il Lag Salischinas

Avant in onn è il TCS Svizra sa retratg sco investur dal project dal Lag Salischinas tranter Rabius e Surrein. Blera aua è currida entant dal Rain giu. Ussa vulan novs investurs siglir en ils fiers e bajegiar 30 tiny houses. La finamira è da cumenzar cun las lavurs la primavaira 2029.

L’artist da dents

Il tecnicist da dents Benjamin Janki furma ensemen cun sia squadra a Glion da tuttas sorts da dents. Quella lavur cun differents materials pretenda bler inschign manual e schizunt in sentiment artistic. Atgnamain vuleva Benjamin Janki daventar fravi d’aur, n’ha dentant betg chattà ina plazza d’emprendissadi. Oz di el: «Tecnicist da dents è la professiun da mes siemis.»

A revair e bun divertiment cun la Lectura Rumantscha!