Gieri Battaglia raquenta

La measeanda digls 26 da november 2025, a las 15.00, raquenta Gieri Battaglia agl rom da «Tusàn raquenta» an l’ustreia Bernina da la veta da sieus bab Stefan a da la sia veta. El ramplazescha Arnold Gredig da Masagn ca sto desister da sapreschantar parveia da raschùns da sànadad.

Igl referent Gieri Battaglia e scolast primar pensiuno a stat a Veulden. El vean a risdar da la veta a la musica da sieus bab Stefan c’e carschieu sei an relaziùns semplas ad e davanto egn ancunaschaint musicànt a dirigent da musicas instrumentalas sper manar cun suczess la sia lenareia a Domat. Igl clarinetist eara digls ezs ons egn digls impurtànts musicànts da la musica populara grischùna.