Laax e Mustér arvan ils territoris da skis

Ils territoris da skis da Laax e Mustér partan ella stagiun d’unviern 2025/26. Sco quei che la Gruppa Arena Alva scriva en ina communicaziun allas medias, arva il territori da skis da Laax in tschuppel indrezs da transport e pistas questa sonda, ils 29 da november 2025. Possessuras e possessurs dalla Topcard ni d’in abonnament da stagiun da Laax astgan guder las pistas gia naven dad oz venderdis, ils 28 da november 2025. Aviarta vegn la stagiun da skis nova era a Mustér. Sco l’Andermatt Sedrun Disentis Marketing SA communichescha, arvan las Pendicularas Mustér SA lur territori da skis sonda, ils 29 da november 2025. Aviarta vegn la sutgera da Caischavedra a Gendusas.