Prevendita pil concert cul dirigent Simon Camartin ha entschiet

Dumengia, ils 28 da december 2025 concertescha igl Orchester naziunal da filharmonia da L’Viv ell’Ucraina ella Sala Peter Kaiser a Mustér. Igl orchester vegn dirigius da Simon Camartin da Mustér. D’udir ein ovras dad Antonin Dvořák, Frederick Delius, Wolfgang Amadeus Mozart, Carl Maria von Weber, Jacques Offenbach ni era Vincenzo Bellini, Maka Virsaladze e Bedřich Smetana. Il program che Simon Camartin presenta senumna «in calender d’Advent musical retardau». La prevendita pil concert ch’entscheiva allas 20.00 ha entschiet quels dis tier la Papetaria Andrea a Mustér.