Cla-Ursin Nufer daventa 70avel

Alla cuorsa dil Cup mundial da 10 km skating la dumengia vargada a Tavau ha Cla-Ursin Nufer contonschiu il 70avel rang. Sil victur Einar Hedegart dalla Norvegia ha el spiars biebein duas minutas. Suenter duas stagiuns d’unviern fetg stuffias pervia d’in surtrenament ei il Tuatschin Cla-Ursin Nufer returnaus cun niev slontsch sin loipa quest atun. Las bunas prestaziuns al Cup mundial a Tavau, mo era allas cuorsas dil Cup Continental ed il Swiss Cup muossan ch’el ei sin buna via anavos tiels megliers curriders svizzers.