Lectura Rumantscha

Nagin na scriva da schnecs da Medel, 228 000 andutgels e dad in propiest fitg concret! – auter che nus en la Lectura Rumantscha dad oz.

Pli gugent tard che mai

Il «schnec da Medel» – sco ina poesia enconuschenta dad Alfons Tuor sa cloma – survegn schlantsch. A partir dal 1. da schaner 2026 sustegna la vischnanca da Medel finanzialmain indigenas ed indigens per nizzegiar la purschida da sport e cultura. L’uschenumnà «Pass Medelin» è in sumegliant model sco che autras vischnancas sisum la Cadi han lantschà la stad vargada cun la «Golden Card». Il «schnec» ha damai in pau retard.

Ina liongia da gronda qualitad

Tge che valeva pli baud sco ina «liongia da la dumengia» è oz prest in product da massa. 228 000 andutgels ha Giusep Lozza, il possessur da la mazlaria Lozza, a Mustér gia producì quest onn. En la Cadi èn er anc autras mazlarias spezialistas da setgentar charn. Vulessas ti savair, co che la spezialitad grischuna è vegnida sin ses num? – Lura clicca qua.

44 francs e 10 raps

Tictac, tictac – la fin da l’onn s’avischina! Per bleras e blers è quai er il temp da far buns propiests. Has ti gia fatg in tal? Per exempel: far las cumissiuns en il consum dal vitg empè dad empustar en l’internet. En la columna dad oz raquinta Maria Cadruvi da ses propiest fitg concret: E quel è: Per emna cumprar per 44 francs e 10 raps rauba en la stizun locala. Clicca sche ti vuls savair dapli.