Annalisa Zumthor es morta

In sonda, ils trais schner es Annalisa Zumthor morta ill’età da 78 ans. Quai ha sia famiglia fat a savair in mardi in ün’annunzcha da mort illas gazettas grischunas. Annalisa Zumthor d’eira la duonna da l’architect Peter Zumthor. Ma ella d’eira bler daplü co be la duonna dal cuntschaint architect: Ella d’eira mamma da trais uffants creschüts, ha lavurà lönch sco magistra ina üna scoula per uffants cun ün impedimaint spiertal o corporal. Ed ella d’eira impustüt eir cuntschainta sco autura rumantscha. Ella ha publichà prosa cuorta in gazettas, revistas, antologias ed ha redigi publicaziuns per RTR. Dal 1999 ha’la implü eir surtut la direcziun da l’hotel da la Terma Vals cha seis hom ha fabrichà.

Annalisa Zumthor es creschüda sü a Susch ed ha vivü cun sia famiglia a Haldenstein. Sper sia lavur sco magistra scrivaiv’la seis texts la not e la bunura bod. Daspö il 2014 vaiva ella ataxia, üna malatia d’autoimmunità e nu pudaiva plü chaminar, scriver e leger inandret.