Lectura Rumantscha

Jau sun plitost temelitga dad ir cun skis. In pitschen sigl è per mai gia fitg giagliard. Dar dentant in sguard sur la spatla dals park-shapers, ils construiders da sigls ed auter obstachels da naiv, gughegel era jau.

Ils creaders da naiv

Sche kickers, rails ed M-lines èn pled esters per tai, è la reportascha da noss redactur gist ideala per tai. I sa tracta dad obstachels e rutas en in snowpark. Ils construiders dal snow­park dal territori da skis Motta Naluns sur Scuol dattan in’invista en lur lavur cun palas e maschinas da la pli nova tecnologia. Nicola Stecher sa legra mintgamai gia da stad da puspè lavurar l’enviern en il snowpark: «Quai e sco d’esser uffant: Esser dadora e fabritgar da tuttas sorts chaussas cun la naiv.»

Da chasa en il stan da tir

Dapi 50 onns s’engascha Hubert Tomaschett da Rabius per il tir, sco tiradur activ, dentant surtut era sco funcziunari. Dapi 38 onns maina el la Societad da tir Voluntaria Trun. Schegea ch’igl ha dà ina digren da tiraduras e tiradurs en Surselva dad avant 16 onns anc 750 sin 350 oz, fa la societad da tir da Trun tuttina furora: Dapi intgins onns sajetta ella sin 10 meters en la pli auta liga naziunala. Actualmain s’engascha Hubert Tomaschett dus dis l’emna sco schef dal tir per la Festa da tir federala 2026 a Cuira.

Art or da trais claustras grischunas

Actualmain mussa la Fermata a Falera in’exposiziun cun ina muntada religiusa tut speziala: Ovras d’art da quatter mungias èn da vesair. Las soras da las claustras da Glion, Müstair e Cazas han creà sculpturas, maletgs da taila u iconas tradiziunalas.

A revair e bun divertiment cun la Lectura Rumantscha!