Fundaziun gruppa d’agüd per Adam Quadroni

Il principi da schner es gnüda fundada a Cuoira l’uniun «Agüd per Adam Quadroni». Il böt da l’uniun es tenor üna comunicaziun da sustegner ad Adam Quadroni i’l rom dals mezs disponibels a reguard la finanziaziun dals cuosts per l’advocat e pel process. Ultra da quai dess el gnir dis-chargià pels cuosts da viver fin a l’otezza dal minimum d’existenza.

A l’uniun appartegnan: Karin Huber, presidenta, Cuoira, Heiner Nidecker, Panaduz ed Oscar Eckhardt, Cuoira. La nouva uniun deplorescha sco ch’ella scriva in sia comunicaziun cha la regenza grischuna refüsa mincha indemnisaziun ad Adam Quadroni, adonta cha la scuverta dal scandal da fabrica spargna al Chantun cuosts ill’otezza da plüssas milliuns.