Lectura rumantscha

Giovanni, tge fas?

Origen viva – e po planisar a lunga vista. A partir da quest onn datti numnadamain dapli daners da las vischnancas per l’instituziun da cultura. En vista da l’onn 2026 ha la FMR damai dumandà: Giovanni, tge fas? E sco che Giovanni Netzer, il chau davos Origen, ha respundì, na mancan ni la lavur ni ils plans pompus.

Claustra, nua vas?

Dieu è sin il letg da mort – er en Surselva. Quest facit (provocativ!) pudessan ins far suenter l’apero da Bumaun dal program da San Gottardo en la claustra da Glion. I sa mussia numnadamain pli e pli che la glieud taglia ses lioms cun la Baselgia, uschia l’istoricher e teolog Urban Fink. Tant pli èsi era tenor el uss il dretg mument da dumandar: Claustra, nua vas?

Suveran, tge decidas?

Tranter vita e mort – uschia sa preschenta la situaziun da l’Ospital Engiadin’Ota. Senza agid na po quest pazient numnadamain betg pli surviver ditg. Perquai duai la Fundaziun Ospital Chantunal Grischun (KSGR) surpigliar la gestiun – ina schliaziun ch’è gia vegnida refusada l’onn passà a l’urna. Tenor il president da la KSGR Hugo Keune è la nova varianta dentant pli purtabla. Tuttina resta la dumonda suenter il «reset»: Suveran, tge decidas quella giada?

A revair e bun divertiment cun la Lectura Rumantscha!