Victoria norvegiaisa e victoria svedaisa tar La Diagonela
Curriduras e curridurs da la Scandinavia han darcheu dominà quista fin d’eivna la cuorsa da passlung i’l stil classic, La Diagonela in Engiadin’Ota. Pro’ls homens ha triumfà Amund Hopstock Riege da la Norvegia. La pü svelta duonna es statta Stina Nilsson da la Svezia.
Las cuorsas i’l stil classic sun las cuorsas per curriduras e curriduors da la Scandinavia. Scu suvent düraunt ils ultims ans haun els domino eir la 13avla ediziun da La Diagonela. Tar ils homens sun 29 dals prüms 30 da pajais da la Scandinavia. Unicamaing Jeremy Royer scu seguond vain da la Frauntscha.
Las cuorsas i’l stil classic sun las cuorsas per curriduras e curriduors da la Scandinavia. Scu suvent düraunt ils ultims ans haun els domino eir la 13avla ediziun da La Diagonela chi ho gnü lö quista fin d’eivna. Tar ils homens sun 29 dals prüms 30 da pajais da la Scandinavia. Unicamaing Jeremy Royer scu seguond vain da la Frauntscha. Il pü svelt d’eira però darcho ün Norvegiais. Amund Hopstock Riege ho druvo pels 47 kilometers da La Diagonela 1:57:22 uras. Il meglder resultat svizzer ho fat Curdin Räz da Segl scu 65evel.
Tar las duonnas as preschainta il resultat be ün zich oter. Traunter las prümas vainch sun istess eir tschinch curriduras da pajais na dal nord. La pü svelta duonna d’eira quista vouta la Svedaisa Stina Nilsson cun ün temp da cuorsa da 2:13:22 uras.
Cuorsa sün traget scurznieu
Pervi da la manchaunza da naiv in Engiadin’Ota ho il traget da La Diagonela stuvieu gnir adatto. Uscheja s’ho que decis già avaunt ün’eivna da redür la lungezza da la cuorsa rojela da 55 sün 47 kilometers. Tuot la passascha tres il God da Staz es gnida stricheda. Perque haun las curriduras ed ils curriduors fat duos voutas il traget traunter Puntraschigna e Schlarigna sülla Loipa da sömmi.
«Üna 13avla ediziun chi do granda satisfacziun»
Ramun Ratti, il president dal comitè d’organisaziun da La Diagonela 2026, es, scu ch’el ho dit invers RTR, fich cuntaint cun la cuorsa da quist an: «Nus vaivans duos u trais lös critics, ma nossas calculaziuns sun idas sü fich bain per l’elita e’ls oters», ho el constato, «uscheja ch’eau craj cha nus possan guarder inavous sün üna 13avla ediziun da nossa Diagonela chi ans po der granda satisfacziun.»
Cuorsa sün traget scurznieu
Pervi da la manchaunza da naiv in Engiadin’Ota ho il traget da La Diagonela stuvieu gnir adatto. Uscheja s’ho que decis già avaunt ün’eivna da redür la lungezza da la cuorsa rojela da 55 sün 47 kilometers. Tuot la passascha tres il God da Staz es gnida stricheda. Perque haun las curriduras ed ils curriduors fat duos voutas il traget traunter Puntraschigna e Schlarigna sülla loipa da sömmi.
Gust da leger dapli?