L’anteriur cusseglier guvernativ Aluis Maissen è mort

Sonda passada, ils 17 da schaner 2026 è mort l’anteriur cusseglier guvernativ Aluis Maissen da Cuira en la vegliadetgna dad 89 onns. Quai san ins leger en l’annunzia da mort en l’ediziun da La Quotidiana dals 20 da schaner 2026. Aluis Maissen è stà cusseglier guvernativ dal chantun Grischun dal 1989 fin il 1998. Ils emprims dus onns ha il cristiandemocrat timunà il departament da giustia e polizia, silsuenter il departament da finanzas e militar. L’onn 1993 e 1997 ha el presidià la Regenza. Aluis Maissen ha ademplì blers mandats politics, tranter auter è el era stà schef da fracziun da la Partida cristiandemocratica, oz Partida dal Center, en il Cussegl grond.