Presentaziun da lavurs da matura al gimnasi

Venderdis, ils 23 da schaner 2026 presentan dudisch gimnasiastas e gimnasiasts dalla scola claustrala da Mustér lur lavurs da matura. La presentaziun dallas meglieras lavurs da matura da quest onn entscheiva allas 18.00 en differentas stanzas dalla scola. Las maturandas ed ils maturands han mintgamai in quart d’ura temps da presentar lur temas, silsuenter vegn dau la pusseivladad allas audituras ed ils auditurs da tschentar damondas pertuccont las lavurs da matura. Silsuenter vegn dau la pusseivladad da midar stanza per persequitar ulteriuras lavurs. La presentaziun ei publica. (fmr/hh)