Disgrazcha da lavina

In sanda saira sun duos homens d’üna gruppa slovaca sün üna tura cun skis gnieus in üna lavina al Piz Alv illa Val da Fain a Puntraschigna. Scu cha la Pulizia chantunela scriva in üna comunicaziun, es la Rega gnida avertida cuort zieva las 17.30. Quella ho transporto ün hom ferieu in l’ospidel a Samedan. Il seguond hom da 53 ans chi’d es medemmamaing gnieu in lavina ho il servezzan da salvamaint be chatto mort. In acziun sun stos mneders da chauns dal Salvamaint alpin e duos elicopters da la Rega. La Pulizia chantunela sclarescha las circunstanzas da la disgrazcha da lavina.