Nouv schefmeidi pella Clinica Holistica

Als 1. da favrer ha cumanzà Namir Lababidi sia funcziun sco schefmeidi da la Clinica Holistica a Susch. El es il successur da Tamara Zur chi vaiva gnü quella funcziun ad interim. Namir Lababidi dispuona da blers ons experienza da lavur in clinicas e grond’experienza professiunala. Sco ultim es el stat manader medicinal in l’ambulatori ad Aarau da la clinica da Schützen Rheinfelden. Sco psichiater chi lavura daspö blers ons sco manader d’ün ambulatori cugnuoscha el las sfidas professiunalas e famigliaras illa lavur cullas paziaintas ed ils paziaints. «Cun grond plaschair n’haja cumanzà mia incumbenza sco schefmeidi e directer medicinal da la Clinica Holistica Engiadina a Susch», scriva il meidi Namir Lababidi in üna comunicaziun a las medias. «Nus eschan persvas d’avair guadagnà ün expert versà chi vain da sviluppar cun tuot la squadra nossa sporta da trattamaint illa Clinica Holistica», scriva Philipp Widmer, il directer da la Clinica Holistica a Susch.