Vernissascha d’ovras d’Alois Carigiet e Matias Spescha

Sonda, ils 28 da mars 2026 arva il Museum Sursilvan Cuort Ligia Grischa in’exposiziun cun ovras tumprivas dils artists trapassai Alois Carigiet e Matias Spescha. La vernissascha ha liug allas 16.00. La fin dils onns 1930 banduna Alois Carigiet il marcau da Turitg e secasa a Platengia ella val da si’affonza. Zacons onns pli tard banduna Matias Spescha siu vitg e serenda a Turitg. Omisdus vulan daventar artists. L’exposiziun tematisescha la relaziun amicabla dils dus artists da Trun e muossa per l’emprema ga enzacontas da lur ovras tumprivas en lur vitg nativ. L’exposiziun vegn curatada d’Alexa Giger e Gieri Venzin.