Tschernas cumünelas per sez vacant

La vschinauncha da Schlarigna invida a sia seguonda radunanza cumünela da quist an ils 13 avrigl 2026 a las 20.15 illa sela polivalenta. Scu que cha’s po ler illa missiva ho la populaziun da decider traunter oter davart üna seguonda tscherna per la suprastanza cumünela. Sper l’elecziun dal president cumünel e tschinch commembras e commembers da suprastanza l’an passo, es ün sez actuelmaing auncha vacant. Tenor constituziun cumünela haun persunas interessedas da gnir proponidas ouravaunt e que fin als 3 avrigl.

Impü ho la populaziun da tscherner üna nouva cumischiun per instrader üna revisiun totela da la constituziun cumünela e der liber püssas dumandas da credit. Scu per exaimpel pel mantegnimaint da la chesa da scoula ill’otezza da 260 000 francs.