Lectura Rumantscha

«Quista decisiun ans fa fich mal il cour»

Tar in bun café tutga erin stortin, u lura in toc turta da nuschs, u betg?! Enfin uss eran ils Sentiners e las Sentinras pupragnads – avend gist duas furnarias en il vitg. Ma cun quai èsi ussa lura pli probabel finì. Las Furnarias Benderer e Clalüna han planisà dad anc quest onn serrar lur portas. E quai è tut auter che simpel, sco quai che Not e Simone Clalüna decleran: «Quista decisiun ans fa fich mal il cour.»

«Arver la pagina cun ils bials muments da la veta»

Ina malsogna nuncurabla – quai è il destin da Haimo Heisch. Blers onns era l’um oriund da Cumbel a la testa da l’Uffizi da vischnancas dal chantun Grischun ed ha accumpagnà numerusas fusiuns da vitgs. Dapi sia diagnosa dad ALS degenerescha sia musculatura pli e pli – ed el è uss en sutga da rodas ed è dapi l’atun passà en la chasa da tgira a Vella. Ses cussegl sin la dumonda dal redactur co ch’ins sappia gudagnar dapli resilienza en uschè ina situaziun, m’ha fatg gronda impressiun: «Arver la pagina cun ils bials muments da la veta, el vargau ed era el mintgadi.»

Vaz: Cumbatter la mancanza d’abitaziuns

«Abitaziun libra d’affittar» – Cura has ti la davosa giada vesì in tal placat? En la vischnanca da Vaz èn abitaziuns libras en mintga cas raras. Tenor statistica chantunala n’è betg ina suletta abitaziun libra en quest lieu turistic surmiran! Perquai ha la vischnanca burgaisa ussa lantschà l’idea da crear ina fundaziun per mitigiar il problem.

E dal rest: legia la columna da Viola Cadruvi – ella ta fa ponderar cun dumondas spinusas!