In concert nunconvenziunal ella baselgia

Sonda, ils 28 da mars 2026 ha liug ella baselgia a Versomi in concert empau nunconvenziunal. El porta il tetel «Muäsch jodlä solang no chasch». D’udir e veser ei il quartet cun Anna-Kaisa Meklin (gamba e cant), Regina Hui (violina e cant), Beat Vögele (harmonium e cant) e Reto Senn (clarinetta bass, cumposiziun e cant). Els presentan in program da musica empau special. Aschia ein d’udir historias cantadas ed improvisaziuns. Leutier ein da veser saults, ei vegn cantau e sgugialau. Sco Stussavgia Turissem scriva en ina communicaziun als mieds da massa eis ei il meglier da vegnir en baselgia a tedlar e mirar enstagl da far ponderaziuns co quei program legher e caotic savess veser ora. Il concert entscheiva allas 20.00, entrada libra, collecta.