GIE al Revier forestal Gonda

La vischnaunca da Sagogn ha acceptau la fundaziun dil menaschi forestal Revier forestal Gronda. La decisiun unanima ei curdada alla radunonza communala il venderdis sera ella halla plurivalenta. Al Revier forestal Gonda separticipeschan era las vischnauncas da Laax e Falera. Schluein ha decidiu da buca separticipar al revier. Alla radunonza communala dils 12 da december 2025 haveva la vischnaunca da Sagogn gia decidiu la reorganisaziun dil revier forestal. Ussa ein ils statuts leutier vegni acceptai.

Vischinas e vischins da Sagogn han era approbau il venderdis la proposta dalla suprastonza communala da conceder 295 000 francs pil remplazzament dalla punt dalla Val Mulin. Il project dalla punt stat en connex culla reconstrucziun dalla senda da viandar atras la Val Mulin.