Um grev blessau en consequenza d’in accident da lavur

Sco quei che la Polizia cantunala dil Grischun scriva en ina communicaziun als mieds da massa era in um ella vegliadetgna da 25 onns vid luvrar vid ina maschina da splanar gliendisdis avonmiezdi avon las 08.30. Siu maun dretg ei vegnius tratgs egl avanzader dalla maschina. El ha saviu trer ora sez il maun. Conluvrers han prestau igl emprem agid. Suenter il provediment medicinal d’in team dil Survetsch da salvament Surselva, in miedi ed in’equipa dalla Rega ei igl um blessau vegnius sgulaus dalla Rega el Spital cantunal dil Grischun a Cuera. Per assister als conluvrers ei il Care Team Grischun staus en survetsch. La Polizia cantunala dil Grischun sclarescha ils motivs digl accident.