Greiv blessà pro lavurs da construcziun

Illa fracziun da Raschvella a Valsot s’ha ün lavuraint blessà greivamaing in lündeschdi davomezdi. Sco quai cha la Pulizia chantunala comunichescha es ün crap da raduond duos meters cubics distachà d’ün mür dürant lavurs da fabrica in ün schler d’üna chasa engiadinaisa e cupichà davopro sün ün Talian da 37 ons. Seis collegas da lavur han tenor la pulizia sgürà il crap e chürà l’hom infin l’arriv dal prüm agüd. Per la deliberaziun e l’agüd medicinal sun stats in acziun l’agüd stradal dals Pumpiers Pisoc, il servezzan da salvamaint da Scuol sco eir üna squadra da la Rega. Davo es l’hom greiv blessà gnü svolà i’l Ospidal chantunal. Insembel culla procura publica intercuorra la pulizia uossa las circunstanzas da quist accidaint da lavur.