Ün skiunz es crudo in üna sfessa 

La Rega ho salvo in mardi passo ad ün skiunz da turas our dad üna sfessa da vadret illa regiun dal Bernina al cunfin traunter la Svizra e l’Italia. Que ho ella scrit in marculdi in üna comunicaziun. Üna gruppa da quatter persunas d’eira sül fil dal Bellavista sün 3600 m s.m., cur cha la cuverta da naiv es sfracheda aint suot ün skiunz e quel es crudo illa sfessa. Cun que cha sieus camarads haun reagieu svelt es el resto pendieu pochs meters illa profundited. Els nu l’haun però pudieu trer sü els svessa. Que ho fat ün elicopter da la Rega cun agüd d’ün tuorn. Il skiunzs nun es gnieu blesso.