«St. Moritz Running Festival» in nouvs mauns

Ils organisatuors dal Maraton da skis engiadinais surpiglian a partir dal 2026 la realisaziun dal «St. Moritz Running Festival», cuntschaint eir scu cuorsa da sted engiadinaisa. Scu cha’ls respunsabels comunicheschan es la finamira da render in avegnir pü preschaint il sport, la natüra e la cumünaunza. Quai culla spraunza da pudair profiter pü ferm da sinergias e da pudair creer nouvas spüertas traunter la stagiun da sted e la stagiun d’inviern.

La cuorsa da sted engiadinaisa ho lö già passa 46 ans e cun quist pass cumainza uossa ün nouv chapitel, uschè ils organisatuors dal Maraton da skis engiadinais pünavaunt. La prosma ediziun dal «St. Moritz Running Festival» ho lö dals 7 fin als 9 avuost 2026.