Rendaquint meglder co anticipà

La conferenza dals presidents da la Regiun Engiadina Bassa Val Müstair ha in gövgia passada trattà e deliberà il rendaquint da l’on 2025. Tenor comunicaziun da medias resultan in quel expensas da s-chars 4,6 milliuns francs pro entradas da bundant 2,2 milliuns francs. Büdschetà i’l preventiv da l’on 2025 d’eira ün deficit da var 230 000 francs plü ot. Il surplü d’expensas da s-chars 2,4 milliuns francs surpiglian ils singuls cumüns da la regiun tenor la clav da scumpart.

Congualond il rendaquint actual cun quels dals ultims tschinch ons as muossa ün constant augmaint d’expensas, da bundant 4,1 milliuns francs l’on 2021 sün uossa s-chars 4,6 milliuns francs. Las entradas varieschan in quella perioda tanter 2,1 e 2,6 milliuns francs. (cdm/fmr)