Incendi sin ina pastira

A Rabius, sin intschess dalla vischnaunca da Sumvitg, ha in incendi pretendiu la mesjamna sera igl engaschament dils pumpiers. Sco quei che la Polizia cantunala dil Grischun scriva en ina communicaziun als mieds da massa, ha igl alarm contonschiu sia centrala cuort suenter las 18.00. Rodund dus tozzels pumpiers ein allura stai occupai cun stizzar il fiug el territori da Tscheps sin ina surfatscha da pressapauc melli meters quadrats. La Polizia cantunala dil Grischun eruescha ils motivs digl incendi.