Festa pels 125 ons via Pass da l’Umbrail

Daspö 125 ons collia la via sur il Pass da l’Umbrail la Val Müstair culla Lombardia e cul Tirol dal Süd, e quai in stretta vicinanza dal Pass dal Stelvio. Quel pass ha festagià l’on passà seis giubileum da 200 ons. Cha l’Umbrail saja bainquant daplü co be ün pass, scrivan ils organisaturs da la festa da giubileum per quist pass, il Cumün da Val Müstair e las societats da giuventüna da Tschierv, Sta. Maria e Valchava e Müstair: «El es d’instà la colliaziun principala culla Lombardia e collia umans, culturas e spazis economics.» Las organisaturas ed organisaturs s’allegran da pudair bivgnantar a la festa da giubileum eir a la cusgliera guvernativa Carmelia Maissen, a la presidenta dal Grond cussagl Valérie Favre Accola, al president da la Regione Sondrio, Davide Menegola, al divisiunari da l’armada svizra Rolf André Siegenthaler ed a David Accola chi presidiescha l’Uniun Umbrail 14/18. Las portas da la festa als 30 mai 2026 a Valchava (Ruinas) as drivan a las 17.30. La populaziun es ultra da quai eir invidada ad ün «apéro da stà» als 26 da lügl 2026 sül Pass da l’Umbrail. Il program detaglià segua plü tard.