Il Club da ballapei Lumnezia festivescha il giubileum da 25 onns

Ils 23 da matg 2001 ei il Club da ballapei Lumnezia vegnius fundaus. El ei sedaus ord la fusiun dils clubs da ballapei Vella e Lumnezia/Degen. Sonda, ils 6 da zercladur 2026 festivescha el il giubileum da 25 onns a Vella. Sco ins sa leger sin in flyer ch’il club ha repartiu, vegn quei giubileum commemoraus surtut cun dar ballapei e sedivertir. Allas 10.00 porscha il club in turnier per pign e grond, allas 13.30 giugs per affons ed allas 15.00 il giug dallas legendas. Allas 19.30 envida il club ad in plaid festiv e silsuenter alla sera da divertiment cun musica da sault. Duront igl entir di porscha il club la pusseivladad da magliar e beiber enzatgei.

Sco ins sa leger silla homepage dumbra il Club da ballapei Lumnezia il mument 40 commembers activs, 50 juniors e rodund 100 commembers passivs. Als affons ed alla giuventetgna che han plascher dil sport da ballapei vegli el porscher la pusseivladad d’exequir quei sport popular en Lumnezia. El center dallas activitads duein il plascher, respect e success esser.